افغانستان میں پولیس اہلکار نے اپنے 10ساتھیوں کو قتل کردیا

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ افغانستان کے صوبے ارزگان میں پولیس اہلکار نے اپنے 10ساتھی اہلکاروں کو فائرنگ کرکے موت کے گھاٹ اتار دیا ہے ۔اطلاعات کے مطابق افغانستان کے جنوبی صوبہ ارزگان میں منگل کو افغان پولیس اہلکار نے پہلے اپنے ساتھیوں کو نشہ آور چیز کھلائی اور بعد ازاں ان پر فائرنگ شروع کردی جس کے نتیجے میں 10پولیس اہلکار ہلاک ہوگئے ۔ ایک ہفتے میں حکومتی فورسز پر ہونیوالا اس نوعیت کا دوسرا اندرونی حملہ ہے۔واقعہ کی ذمہ داری افغان طالبان نے قبول کرلی ہے۔